Балалар лагері - 3-ші ауысым, төртінші күн

Полиция күні қарсаңында біздің лагерьдегі балалар Ақмола облысы полиция департаментінің Степногорск қаласының полиция басқармасына барды. Полиция капитаны Амантай Жандос пен полиция кіші сержанты Нұрманов Ербол балаларға жұмыста қолданылатын қорғаныс құралдары мен түрлі қару түрлерін көрсетті. Балалар дулыға, оқ өтпейтін жилет, қалқан киіп, автомат пен тапаншаны ұстап, бөлшектей алды. Содан кейін полицияның аға сержанты Шайханов Арлан балаларға күнделікті жұмыста және қылмыскерлерді ұстау кезінде қолданылатын автомобильдер туралы айтып берді. Балалар ішке кіріп, рация мен полиция сиренасын қоса алды. Экскурсия барысында бізді полиция лейтенанты Ғаббас Әділжан ертіп, балаларға полиция мамандығы мен оның міндеттері туралы айтып берді. Балалар қуана тыңдады, сұрақтар қойды және бұл өте жауапты және қауіпті мамандық деген қорытындыға келді. ҚМПК әкімшілігі полиция басқармасының қызметкерлеріне берілген уақыт пен танымдық экскурсия үшін зор алғысын білдіреді. Біз барлық қызметкерлерді келе жатқан қазақстандық Полиция күнімен құттықтаймыз және Сіздерге зор денсаулық, отбасылық амандық және еңбегіңізге табыс тілейміз!