«Біз сіздерді ешқашан ұмытпаймыз!» акциясы

Ұлы мереке «Жеңіс күні» қарсаңында МОӨК педагогтары мен оқушылары Степногорск тарихи-өлкетану мұражайының қызметкерлерімен бірлесіп «Біз сіздерді ешқашан ұмытпаймыз!» акциясын өткізді. Кездесу Жеңіс монументінің жанында өтті. Мұражай меңгерушісі Майра Өмірбайқызы Нұржанова балаларға Жеңіс монументі қалалық саябақта 1985 жылы, Ұлы Отан соғысындағы Жеңістің 40 жылдығына орай ашылғанын айтты. Стела бетоннан құйылған. Стеланың артында 13 батыр қаланың есімдері жазылған мәрмәр тақтайшалар тұр. Бұл тақтайшалардың астында осы қалалардың жанында өткен ұрыс орындарынан әкелінген жер бар капсулалар орналасқан. Арнайы командалар мектеп оқушыларынан құрылды және болашақ ұрпақ үшін әлемді өз қанымен қорғағандардың күлі демалатын жерді әкелу үшін барлық батыр қалаларға аттанды. Мұражай қорын сақтаушы Жағыпарова Айжан Амантайқызы балаларға Степногорск ардагерлері, олардың шайқастары мен жеңістерінің тарихы туралы айтып берді. Ескерткіштегі кездесу өте патриоттық, танымдық және әсерлі болды. Соғыс соншалықты қатал болғаны өкінішті. Бүкіл әлемде бейбітшілік болсын! Баршаңызды келе жатқан мерекемен құттықтаймыз!